Home ಕ್ಲಾಸಿಪೈಡ್ ಪರೀಕ್ಷೆಯ ಮುನ್ನ ಕಣ್ಣಿನ ಆರೈಕೆಗೆ 8 ಸೂತ್ರಗಳು

ಪರೀಕ್ಷೆಯ ಮುನ್ನ ಕಣ್ಣಿನ ಆರೈಕೆಗೆ 8 ಸೂತ್ರಗಳು

48
0
SHARE

ಇದು ಪರೀಕ್ಷೆ ಸೀಸನ್. ಈ ಸಮಯದಲ್ಲಿ ಓದಿನ ಜತೆ ಬರೆಯಲು ಬೇಕಾದ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಅಷ್ಟೇ ಮುಖ.
ಪರೀಕ್ಷಾ ಅವಧಿಯ ಆರಂಭ ಪೋಷಕರು ಮತ್ತು ಮಕ್ಕಳು ಇಬ್ಬರಿಗೂ ಒತ್ತಡದ ಅವಧಿ. ಪೋಷಕರು ಸಾಮಾನ್ಯವಾಗಿ ಮಾನಸಿಕ ಒತ್ತಡಕ್ಕೆ ಒಳಗಾದರೆ ಮಕ್ಕಳು ಒತ್ತಡ, ಆತಂಕ, ಇನ್ಸೊಮ್ನಿಯಾ, ಕಣ್ಣಿನಲ್ಲಿ ನೋವು ಇತ್ಯಾದಿ ಸಮಸ್ಯೆಗೆ ತುತ್ತಾಗುತ್ತಾರೆ.

ಮಕ್ಕಳು ಸಾಮಾನ್ಯವಾಗಿ ಕಣ್ಣಿನಲ್ಲಿ ನೋವು ಅಥವಾ ಕಣ್ಣು ಒಣಗುವಿಕೆ ಇತ್ಯಾದಿ ಸಮಸ್ಯೆ ಹೇಳಿಕೊಳ್ಳಲಿದ್ದು, ನಿರಂತರವಾಗಿ ಪುಸ್ತಕದತ್ತ ನೋಡುವುದು ಇದಕ್ಕೆ ಕಾರಣ. ಕಣ್ಣಿನ ದೌರ್ಬಲ್ಯದಿಂದ ತಲೆನೋವು ಜತೆಗೆ, ಕಣ್ಣು ಒಣಗುವಿಕೆ ಸಮಸ್ಯೆ ಕಾಡಲಿದೆ. ಈ ಎರಡೂ ಅಂಶಗಳು ಪುಸ್ತಕ, ಕಂಪ್ಯೂಟರ್ ಪರದೆ ನೋಡುವಾಗ ಓದುವಾಗ ರೆಪ್ಪೆಮಿಟುಕಿಸುವ ಪ್ರಮಾಣವನ್ನು ಹೆಚ್ಚಿಸಲಿದ್ದು, ಇದರಿಂದ ಕಣ್ಣಿನ ಮೇಲೆ ಒತ್ತಡವಾಗಲಿದೆ.

1. ಬೆಳಕಿರುವ ಕೊಠಡಿಯಲ್ಲಿ ಅಧ್ಯಯನ ಮಾಡಿ
ಓದುವ ಕೊಠಡಿಯಲ್ಲಿ ಬೆಳಕಿನ ಸ್ಥಿತಿ ತುಂಬಾ ಮುಖ್ಯ. ಮಬ್ಬು ಬೆಳಕಿನಲ್ಲಿ ಓದುವುದರಿಂದ ಇಂಥ ಸಮಸ್ಯೆಗಳು ಹೆಚ್ಚಿವೆ. ಅತ್ಯುತ್ತಮ ಬೆಳಕಿನ ವ್ಯವಸ್ಥೆ ಇರುವ ಕಡೆ, ಸರಿಯಾದ ಕ್ರಮದಲ್ಲಿ ಕುಳಿತು ಓದುವುದರಿಂದ ಮಕ್ಕಳನ್ನು ಅನೇಕ ಸಮಸ್ಯೆಗಳಿಂದ ಪಾರು ಮಾಡಬಹುದು. ಜತೆಗೆ ಓದಿನ ಮೇಲೆ ಹೆಚ್ಚಿನ ಆಸಕ್ತಿ ವಹಿಸುವಂತೆಯೂ ನೋಡಿಕೊಳ್ಳುವ ಕ್ರಮದಿಂದ ಬೆನ್ನುನೋವು, ಬಾಗಿದ ಬೆನ್ನು ಸಮಸ್ಯೆಯೂ ಕಾಡುವುದಿಲ್ಲ.

2. ರೂಲ್ ನಂ. 20 ಅನುಕರಿಸಿ
ಇದೊಂದು ಸಾಮಾನ್ಯವಾದ ಆದರೆ ಬಹುತೇಕ ಮರೆಯುವ ನಿಯಮ. ಮಕ್ಕಳು ಓದಿನ ನಡುವೆ ಪ್ರತಿ 20 ನಿಮಿಷಗಳಿಗೆ ಒಮ್ಮೆ 20 ಅಡಿ ದೂರದಲ್ಲಿ ಇರುವ ವಸ್ತು, ಅಂಶಗಳನ್ನು 20 ಸೆಕೆಂಡ್ಗಳು ವೀಕ್ಷಿಸಬೇಕು. ಇದನ್ನು, ಸಾಮಾನ್ಯವಾಗಿ ಐ.ಟಿ ವೃತ್ತಿ ಪರರು ಕೂಡಾ ಪಾಲಿಸುತ್ತಾರೆ.

3. ನಿಯಮಿತವಾಗಿ ರೆಪ್ಪೆ ಮಿಟುಕಿಸಿ
ಮಕ್ಕಳು ಸಾಮಾನ್ಯವಾಗಿ ಕಣ್ಣು ಒಣಗುವ ಸಮಸ್ಯೆ ಹೇಳುತ್ತಾರೆ. ಇದಕ್ಕೆ ಅವರು ರೆಪ್ಪೆ ಮಿಟುಕಿಸುವುದು ಕಡಿಮೆ ಆಗಿರುವುದೇ ಕಾರಣ. ಹೀಗಾಗಿ, ಮಕ್ಕಳು ಉದ್ದೇಶ ಪೂರ್ವಕವಾಗಿ ಅವರ ಕಣ್ಣಿನ ರೆಪ್ಪೆಯನ್ನು ಮಿಟುಕಿಸಲು ಸೂಚಿಸಬೇಕು. ಇದರಿಂದ ಕಣ್ಣಿನ ಮೇಲೆ ಒತ್ತಡ ಕುಗ್ಗಲಿದೆ. ಒಂದು ವೇಳೆ ಸಮಸ್ಯೆ ಉಳಿದುಕೊಂಡರೆ ಕಣ್ಣಿನ ತಜ್ಞರನ್ನು ಭೇಟಿ ಮಾಡುವುದು ಒಳಿತು.

4. ಪೆನ್ಸಿಲ್ ಪುಷ್ ಅಪ್ ವ್ಯಾಯಾಮ.
ಇದು ಕಣ್ಣಿನ ಮೇಲೆ ಒತ್ತಡ ಕುಗ್ಗಿಸಲಿದೆ. ಪೆನ್ಸಿಲ್ ಅನ್ನು ಕೈಯಲ್ಲಿ ಹಿಡಿದು ನೇರವಾಗಿ ಅದನ್ನು ಮೂಗಿನ ಹತ್ತಿರಕ್ಕೆ ತರಬೇಕು. ಪೆನ್ಸಿಲ್ ನಿಬ್ ಎರಡಾಗಿ ಕಾಣಿಸುವವರೆಗೂ ಹತ್ತಿರ ತರಬೇಕು. ಹತ್ತು ಸೆಕೆಂಡ್ ಕಾಲ ಹೀಗೆ ಹಿಡಿದು ಮರಳಿ ಒಯ್ಯಬೇಕು. ಈ ಕಸರತ್ತನ್ನು ಅನೇಕ ಬಾರಿ ಮಾಡಬೇಕು.

5. ಕನ್ನಡಕ ಧರಿಸುವವರಿಗಾಗಿ
ಮಗುವಿಗೆ ಈಗಾಗಲೇ ಕಣ್ನಿನಲ್ಲಿ ದೋಷ ಇದ್ದರೆ, ಕನ್ನಡಕ ಬಳಕೆ ಮಾಡಿದರೆ ಕಣ್ಣು ಒಣಗುವುದು, ಇರಿಸುಮುರಿಸು ಆಗುವುದು ತಪ್ಪಲಿದೆ.

6. ಕಾಂಟ್ಯಾಕ್ಟ್ಲೆನ್ಸ್ ಬಳಕೆ ಮಾಡುವರಿಗೆ
ಹಿರಿಯ ಮಕ್ಕಳು, ಕಾಂಟ್ಯಾಕ್ಟ್ ಲೆನ್ಸ್ ಅನ್ನು ಸುದೀರ್ಘ ಅವಧಿ ಅಂದರೆ ದೈನಿಕ 12 ಗಂಟೆಗೂ ಅಧಿಕ ಅವಧಿ ಬಳಕೆ ಮಾಡುತ್ತಿದ್ದರೆ, ಬಳಕೆ ಅವಧಿ ಕಡಿಮೆ ಮಾಡುವುದು ಒಳಿತು. ಕನ್ನಡಕ ಲಭ್ಯವಾಗದೇ ಇದ್ದರೆ ಬಾಹ್ಯದ ಬಳಕೆಯ ಲೆನ್ಸ್ಗಳನ್ನು ಬಳಕೆ ಮಾಡಿ.

7. ಅಧಿಕ ಪೌಷ್ಟಿಕಾಂಶ ಮತ್ತು ಜೀವನಕ್ರಮ
ಪೋಷಕರು ತಮ್ಮ ಮಕ್ಕಳು ಅತ್ಯುತ್ತಮ ಆಹಾರಕ್ರಮ ಪಾಲಿಸುತ್ತಿದ್ದಾರೆಯೇ, ಹೆಚ್ಚು ಪ್ರೊಟೀನ್ ಮತ್ತು ವಿಟಮಿನ್ಯುಕ್ತ ಆಹಾರ ಬಳಕೆ ಮಾಡುತ್ತಿದ್ದಾರೆಯೇ ಎಂಬುದನ್ನು ಗಮನಿಸಬೇಕು. ಇದು ಆರೋಗ್ಯಕ್ಕೆ ಒಳ್ಳೆಯದು. ಉತ್ತಮ ಪೌಷ್ಟಿಕಯುಕ್ತ ಆಹಾರ ಸೇವನೆ ಮೆದುಳಿಗೆ ಶಕ್ತಿ ನೀಡಲಿದೆ.

8. ಓದುವ ಅವಧಿ ಕುಗ್ಗಿಸಬೇಕು
ಬಹುತೇಕ ಮಕ್ಕಳ ದೊಡ್ಡ ಸಮಸ್ಯೆ ಎಂದರೆ ಹೆಚ್ಚಿನ ಅವಧಿ ಕಣ್ಣನ್ನು ಪುಸ್ತಕದ ಮೇಲೆ ನೆಡುವುದು. ಹೀಗಾಗಿ ಕಣ್ಣಿನ ಮೇಲೆ ಒತ್ತಡ ಉಂಟಾಗುವುದನ್ನು ತಪ್ಪಿಸಲು ಸುದೀರ್ಘ ಕಾಲ ಪುಸ್ತಕದ ಮೇಲೇ ಕಣ್ಣು ನೆಟ್ಟಿರುವುದನ್ನು ತಪ್ಪಿಸಬೇಕು.

LEAVE A REPLY

Please enter your comment!
Please enter your name here